x

ЕХФ го смести Манасков во Топ 5 листата по првото коло

manaskov-1

Во исчекување на традиционалното прогласување на најдобрите голови, одбрани и идеалниот тим, ЕХФ излезе во Топ 5 листа на работи кои не треба да се заборават по завршувањето на првото коло во Лигата на шампионите.

Во оваа „тесна“ листа се најде македонскиот репрезентативец, Дејан Манасков. А како и нема по оној неверојатен погодок на дуелот против Нант. Манасков погоди од зад грб, мајсторија која е неговата специјалност.

„Во тим преполн со ѕвезди како што е Веспрем, лесно е да се заборави Дејан Манасков. Македонското лево крило би било ѕвезда во секој друг тим, но во Унгарија се соочува со конкуренција како Ненадиќ и Нилсон. Во средата против Нант, тој стори се за да биде запаметен, вклучувајќи го голот од зад грб на средината на второто полувреме“, се вели во текстот на ЕХФ за нашиот Манасков.


На првото место се најде Сандер Сагосен кој блесна на првиот меч во дресот на Кил, постигна седум гола во триумфот над ППД Загреб, втората позиција му припадна на Родриго Коралес, претпоследните две места се посветени на Кил и Барселона.

sportmedia.mk

© Vecer.mk, правата за текстот се на редакцијата