Пластични лалиња, ветерници и кломпи се главните сувенири во холандскиот град Амстердам, а всушност и најголемиот поттикнувач на градската економија. Сепак, локалната самоуправа ја забрани експанзијата на ваквата работа.

Уставниот суд во Холандија ја поддржа забраната на властите во Амстердам да го запрат отворањето на нови продавници во кои се продаваат сувенири.

Ова е само уште една мерка во борбата на власта против масовниот туризам. Најпрво беше отстранет големиот натпис „Iamsterdam“ кој важеше за симбол на градот, а исто така се размислува и за отстранување на улицата на црвените фенери од центарот на градот.

Забраната за отворање нови продавници влезе во сила во октомври 2017 година и не крши ниту еден закон на Европската унија.

Целта на забраната е да се изретчат продавниците кои ваквите сувенири ги продаваат исклучиво на туристи, со цел да не се отежнува животот на жителите на градот.

Инаку, Амстердам кој има 741 илјада жители, годишно го посетуваат 9 милиони туристи, поради што неговите жители често имаат проблеми.

 

View this post on Instagram

 

A post shared by I amsterdam (@iamsterdam) on

извор: Makfax