Владата преку Генералниот секретаријат ќе отвори повик за печатење на дополнителни изданија на граматиката на ромски јазик и речник на македонски – ромски јазик.

Одлуката која беше донесена на денешната владина седница предвидува речникот на македонски – ромски јазик од 800 страници да биде отпечатен во 500-тини примероци, додека граматиката на ромски јазик од 300 страници – во 1000 примероци.

„Согласно Стратегијата за Роми 2014-2020 еден од постулатите на овој документ, како и една од приоритетни цели од истиот е развој и промоција на ромската култура, јазик и традиција. Печатењето на овие две публикации директно ќе придонесат кон реализација на оваа цел“, велат од владината прес-служба.

 

извор: Makfax