Значителен пораст на температурата на воздухот најавуваат метеоролозите во следната недела.

Времето, според најавата од УХМР, во следните денови ќе биде сончево со мала до умерена облачност и со слаб до умерен северен ветер.

Максималната температура утре ќе се движи од 22 до 33, вторник од 28 до 34, среда од 30 до 37, четврток од 29 до 36, петок од 28 до 35 и сабота од 29 до 35 степени.

Времето денеска ќе биде сончево со мала до умерена облачност, во западните делови со засилен западен ветер. Локално ќе има појава на пороен дожд и грмежи, а ќе има и услови за изолирана појава на краткотрајно невреме.

Попладне времето постепено ќе се стабилизира. Максималната температура ќе биде во интервал од 24 до 31 степен. УВ=8.