Данските политичари денес ја исмеваа идејата Копенхаген да го продаде Гренланд на Вашингтон, откако американскиот претседател Доналд Трамп, наводно, разговарал за тоа со неговите советници.

„Тоа мора да е првоаприлска шега“, објави поранешниот премиер Ларс Лок Расмусен на „Твитер“.

„Волстрит журнал“ претходно објави дека Трамп е заинтересиран да го купи Гренланд од Кралството Данска, додека „Ројтерс“ наведува дека Арктикот е на агендата на американскиот претседател на состаноците со премиерите на Данска и Гренланд за време на неговата посета на Копенхаген во септември.

Портпаролот на Министерството за надворешни работи на Данската народна партија Серен Есперсен за телевизијата ДР изјави дека ако Трамп навистина размислува да го купи Гренланд, тоа е „доказ дека тој полудел“.

Премиерката Мете Фредериксен и министерот за надворешни работи Јепе Кофор беа недостапни за коментар, но официјалните лица велат дека ќе одговорат во текот на денот.

Амбасадата на САД во Копенхаген не коментираше, но поранешниот американски амбасадор во Данска Руфус Гифор изјави дека идејата за купување на Гренланд е „тотална катастрофа“.

извор: Makfax