Катица Јанева и СЈО немањето доволен професионален капацитет и интегритет повторно одлучија да го компензираат со недолични и неосновани напади и притисоци врз судот, велат во ВМРО-ДПМНЕ. Во нивното соопштение се наведува дека наместо да ја вршат професионално својата работа за која си делат астрономско високи плати од буџетот, Катица Јанева и СЈО цело време работат како приврзоци на аболираниот Зоран Заев и СДСМ во заштита на нивниот криминал.

„Јанева и СЈО постојано се обидуваат да измислуваат и создаваат спектакли кои ќе им бидат од корист на фабриките за афери на СДСМ и нивната црна пропаганда.

Јанева и СЈО се срам за правосудниот систем. СЈО се заортачи со аболираниот криминалец Зоран Заев и работи по негов диктат, притиска судии да ги вршат валканите нарачки на СДСМ, а без да ги види доказите на слобода пушта криминалци како Верушевски кои ѝ нанеле огромна штета на Македонија и на македонските граѓани.

На судиите што работат по закон, а не по диктат на двоецот Заев/СЈО за изигрување на правдата, им виси заканата од генерален реизбор која им ја упати Заев. Јанева се придружи со манипулативните јавни прозивки обидувајќи се да го засили притисокот врз судиите да ги исполнуваат нарачките од СДСМ.

Јанева и СЈО без трошка срам застанаа на страна на криминалот и вторпат го аболираа криминалецот Зоран Заев.

ВМРО-ДПМНЕ ги охрабрува судиите да не подлегнуваат на притисоците кои се резултат на фрустрации. Со повлекувањето на предметот „Пуч” и аболицијата на криминалецот Заев, Катица Јанева ја поништи и основната причина за постоењето на СЈО”, нагласуваат од ВМРО-ДПМНЕ