Српскиот епидемиолог Предраг Кон, посочи дека состојбата со заразени од ковид-19 во Белград наликува – темпирана епидемиска бомба, која во минатото се решавала со полициски час.

– Мора да се разбере дека е викенд и кога луѓето се активни. Тоа во претходните месеци го решававме со полициски час, но сега е оставено на свеста на граѓаните. Кривата на заразени е стабилна, но мора да бидеме внимателни во Белград, изјави Кон.

Српскиот епидемиолог предупреди дека вирусот е сеприсутен и лесно се пренесува меѓу населението.