Во последното деноноќие во Албанија регистарани се само шест новозаразени со Ковид-19, изјави Марјета Дервиши од Институтот за јавно здравје.

Ова е најмала бројка од појавата на пандемијата во земјата.

Вкупната бројка на заразени изнесува 856 лица, а досега оздравеле 627 пациенти.

Активни се 198 случаи, а само околу 15 отсто се третираат болнички, додека другите се со лесна форма, се лекуваат во домашни услови и нивната состојба ја следат матичните лекари.

Во Албанија досега направени се 10.543 тестови.

извор: Makfax