Петре Шилегов во име на Град Скопје склучил договор за изнајмување на опрема за чистење на снег за 2020 и 2021 година во висина од 1 милион евра, изјави денеска Светлана Колариќ од ВМРО-ДПМНЕ.

Според договорот кој го потпишал Шилегов, вели Колариќ, станува збор за изнајмување на 15 машини, кои имаат обврска за чистење од 40 часа месечно, а се што ќе биде над тоа ќе се плаќа дополнително од страна на градот.

„Петре Шилегов наместо да ги троши парите на граѓаните за чистење на снегот кој не падна можеше да купи 5 нови машини за чистење на снег кои ќе бидат во сопственост на градот и ќе можат да бидат користени повеќе години. Шилегов не работи домаќински. Шилегов го раскрчмува едноставно градот“, рече Колариќ.

извор: Makfax