Мигранти скокаат од бродот на шпанската невладина организација „Опен армс“ во морето сакајќи да допливаат до најблискиот брег на италијанскиот остров Лампедуза додека Мадрид го најавува новиот предлог во врска со решавање на кризата.

Првиот мигрант утрото скокна во морето, напиша организацијата на „Твитер“ и објави видеоснимка. Неколку часа подоцна скокнаа уште деветмина луѓе обидувајќи се да стигнат до брегот на Лампедуза. Од организацијата соопштија дека ситуацијата е надвор од контрола.

„На тие што скокнаа, меѓу кои некои немаа спасувачки појаси, им беше укажана помош и околу пладне беа на брод на италијанската крејбрежна стража“, изјави портпаролката на шпанската организација.

По одбивањето на Рим да дозволи симнување на мигрантите од бродот на островот Лампедуза, и покрај договорот на шест европски држави да прифатат дел од мигрантите, Мадрид во неделата понуди свој брод да дојде во крајниот јужен дел на Шпанија, што невладината организација го оцени како целосно неизводливо.

Шпанската министерка за одбрана, Маргарита Роблес, изјави дека Мадрид ќе изнесе нов предлог во следните часови за да се реши оваа хуманитарна криза.

извор: Makfax