Масивна експлозија ги потресла куќите во Хјустон, Тексас, одекнувајќи низ градот, кршејќи прозорци и будејќи ги жителите во раните утрински часови, пренесува KTРK-ТВ.

Експлозијата, наводно, се случила во фабрика во областа Геснер во градот. Камера на влезна врата во една од куќите го снимила моментот на жестоката експлозија.

Од небото, наводно, паѓал отпад и властите ги замолија луѓето да ја избегнуваат областа додека се водат прелиминарните истраги.

Сè уште нема извештаи за жртви. Иако нема официјални информации за жртви, еден човек изјави за телевизијата KTРK-ТВ дека видел крвава личност како шета наоколу.

Причината за инцидентот засега останува непозната. Во исто време, полицијата го блокира целиот сообраќај во областа.

извор: Makfax