Владата ја прифати иницијативата недела да биде неработен ден за сите граѓаните. Сега Министерството за труд и социјална политика се создава законско решение со кое недела ќе биде слободен ден за оние кои сакаат да бидат со своите семејства, рече на прес-конференција, Милан Живковиќ, претседател на Комисија за труд на СДСМ.

„Ова е сериозен чекор во градењето на фер и праведно општество за сите, сериозен чекор кон унапредување на условите за работа на работниците и работничките“, порача претставникот на владејачката партија.

Живковиќ додаде дека веројатно ќе има работодавачи и менаџери, па дури и работници за кои недела како неработен ден нема да биде начелно прифатлив и како што посочи, тоа е нивно право.

„Преку отворен и инклузивен процес на дебата ќе дојдеме до решение кое ќе биде целосно прифатливо и за работнциите и за синдикатите и за работодавачите и за стопанските комори“, кажа тој.

Воедно порача дека со недела како неработен ден за сите, општеството ќе добие позадоволни и попродуктивни работници и работнички на пазарот на труд, а тоа е бенефит за државата.

извор: Makfax