Американската амбасадорка во Република Македонија, Кејт Мари Брнз, му порачала на претседателот на Собранието, Талат Џафери, дека е многу важно во законодавниот дом да се формира што поширока поддршка за реализација на стратешките цели, особено од аспект на НАТО и членството во Европската Унија.

На средбата со Џафери Брнз додала дека еднакво значајни се и борбата против корупцијата, прашањата поврзани со националната безбедност и потеклото на инвестициите, како и донесувањето на законот за антидискриминација.

Како што соопштија од неговиот Кабинет, Џафери изразил благодарност за поддршката што американската амбасада и САД и ја даваат на Македонија, при што истакнал дека за нас е од суштинско значење задржаниот фокус на Соединетите Американски Држави кон нашата земја и  регионот во целина.

Џафери ја информирал амбасадорката Брнз за очекуваното ангажирање на новата влада во однос на пандемијата и мерките за зачувување на здравјето на граѓаните, за економските мерки за поддршка на населението и подготовката на стратегијата за започнување на преговорите за членство со Европската Унија, како три главни приоритети на дејствување.