Шестнаесет месечно женско бебе од Скопје со повреди вчера било донесено на Комплексот клиники „Мајка Тереза“

Мајката (21) пред полицијата кажала дека пред три дена, нејзиниот партнер С.И.(34) од Скопје, со кого живеела вонбрачно, го ставил бебето во детско седиште и со своето возило го однел кај дадилката Л.Д.(55) од Скопје.

Според изјавата на мајката, истиот ден дадилката ѝ пријавила дека кога го земала бебето од партнерот ги забележала повредите.

Полицијата информира дека се преземаат мерки за расчистување на случајот.

извор: Makfax