Азербејџанскиот министер за надворешни работи, Џејхун Бајрамов, изјави дека хуманитарниот прекин на огнот, договорен на разговорите во Москва, ќе трае онолку колку што на Црвениот крст ќе му биде потребно да ја организира размената на телата на убиените.

Говорејќи на брифинг во Баку, тој се пожали дека статус кво состојбата на теренот во планинската енклава не ѝ одговара на неговата земја и дека Азербејџан се надева и очекува дека навреме ќе преземе контрола над поголема територија, објави „Ројтерс“.

Азербејџан и Ерменија се обвинија едни со други за кршење на условите за прекин на огнот, доведувајќи го во прашање значењето на примирјето со посредство на Русија.

извор: Makfax