Бијонсе (38) е една од најпопуларните и најуспешни поп-пејачки во светот, која го привлекува вниманието на јавноста, па за неа кружат разни приказни на интернет.

Не била бремена, ангажирала сурогат-мајка за да ѝ ја роди ќерката, а таа носела лажен труднички стомак, ја избелувала кожата за да биде попривлечна за публиката, но најдалеку во сето тоа отиде американскиот политичар К. В. Милер, кој се кандидира за гувернер на Флорида.

Во серијата објавувања на „Твитер“, К. В. Милер открива дека во екот на повеќенеделните протести за убиството на Џорџ Флојд, Бијонсе тврдела дека има африканско потекло.

„Лаже со години, таа не е црнкинка, таа е белка од Италија и се вика Ен Мари Ластраси“.

Милер исто така напиша дека Бијонсе го обожава Сатаната и дека тоа го открива во песната Formation.

Наводно, кога ги спомнува Алабама и Луизијана, таа всушност спомнувала две сатански цркви во овие држави, а стихот „имам лут сос во чантата“, всушност значел дека „таа во чантата чува сатански симбол“.

извор: Makfax