logo
logo
logo

Жена на словенечки дипломат во Брисел УМРЕЛА после вакцинација

Vecer | 21.05.2021

Жена на словенечки дипломат во Брисел УМРЕЛА после вакцинација

Словенечкиот Институтот за јавно здравје во соработка со белгиските здравствени власти ја истражуваат трагичната смрт на младата сопруга на словенечки дипломат во Брисел, која по вакцинирањето доживеа венска тромбоза и почина од мозочен удар во болница откако беше во критична состојба состојба неколку дена.

Жена „под 40 години“ била вакцинирана пред десетина дена со вакцината „ковид-19“ од „Џонсон&Џонсон“, која се дава во единечна доза, а првите тешкотии ги почувствувала по неколку дена.

Според словенечката телевизија, таа прво добила главоболка и ѝотечекла ногата, а на лекарски преглед и дијагностицирале длабока венска тромбоза за која ѝ била дадена терапија, но после тоа претрпела мозочен удар и починала по неколку дена поминати во критична состојба.

„Џонсон&Џонсон“, како и „AstraZeneca“, е векторска вакцина за која е откриено дека предизвикува згрутчување на крвта во исклучително ретки случаи. Ова е потврдено и од Европската агенција за лекови (ЕМА), која продолжува да ги следи ваквите случаи.

ЕМА објави пред еден месец дека билансот на придобивки и ризици на вакцините „Џонсон&Џонсон“ останува позитивен, иако постои можна поврзаност со многу ретки случаи на невообичаени згрутчување на крвта придружени со низок број на тромбоцити по вакцинацијата.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk