„Нашиот став е непроменет: само украинскиот народ има право да одлучи кои територии ѝ припаѓаат на Украина“, изјави Зеленски пред новинарите во Киев, додавајќи: „Уставот на Украина вели дека сите привремено окупирани територии... ѝ припаѓаат на Украина, на украинскиот народ“.
Трамп тврди дека Крим ќе остане руски
Изјавата на Зеленски следеше по изјавата на Трамп во интервју за списанието „Тајм“, објавена денес: „Крим ќе остане во Русија“.
Трамп додаде дека „Зеленски го разбира тоа“ и дека „сите разбираат дека [Крим] е со нив долго време“, осврнувајќи се на Русија. Крим е стратешки важен полуостров во јужна Украина што Русија нелегално го анектираше во 2014 година. Зеленски постојано ја отфрла идејата за признавање на регионот како руски.
© Vecer.mk, правата за текстот се на редакцијата
