Момче (22) од Германија се здобило со сериозни повреди откако паднало од тераса од четвртиот кат, обидувајќи се да побегне од казната заради социјално собирање, со кое се кршат рестриктивните мерки, објавила денес германската полиција.

Момчето заедно со уште тројца свои другари, во петокот се ’собрале’ во стан во Виперфирт, во покраината Северна Рајна-Вестфалија. Забавата ја пријавил сосед кој повикал полиција. Двајца од неговите пријатели се сокриле на терасата во моментот кога полицијата затропала на вратата.

И додека преостанатите двајца зборувале со полицијата, несреќното момче паднало, се претпоставува, додека се обидувало да премине на соседната тераса.