logo
logo
logo

Започна третата фаза на испитување на комбинирана вакцина против Ковид-19

Vecer | 27.05.2021

Започна третата фаза на испитување на комбинирана вакцина против Ковид-19


Француската „Санофи“ и британската „ГлаксоСмитКлајн“ (ГСК) денеска ја започнаа третата фаза на испитување на потенцијална комбинирана вакцина против Ковид-19, за која се надеваат дека ќе биде одобрена до крајот на 2021 година.

Студијата покрената од „Санофи“ и ГСК е едно од првите испитувања во доцната фаза, која комбинира тестови за засилувачи и варијанти, додека производителите на лекови ги прилагодуваат своите стратегии за борба против еволутивниот коронавирус, објави „Ројтерс“.

Двата производители на лекови, кои објавија позитивни привремени резултати на почетокот на овој месец, потврдија дека студијата во третата фаза ќе опфати повеќе од 35.000 возрасни лица во САД, Азија, Африка и Латинска Америка.

„Во двофазен пристап, студијата првично ќе ја испита ефективноста на формулацијата за вакцини врз оригиналниот вирус, додека во втората фаза ќе ја процени втората формулација за вирусот B.1.351“, соопшти „Санофи“. Вирусот, познат како Б.1.351, за прв пат е откриен во Јужна Африка.

„Најновите научни докази покажуваат дека антителата генерирани против варијантата Б.1.351 можат да обезбедат широка вкрстена заштита од други преносливи варијанти“, неведува „Санофи“.

Третата фаза, која ќе се спроведува во широк опсег на различни географски области, исто така, ќе овозможи процена на ефикасноста против различни варијанти, додаде францускиот производител на лекови во изјавата.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk