Запленета листа за „ЛИКВИДАЦИЈА“ на припадници на движењето Ѓулен!

При полициска акција во Германија е запленета листа на следбеници на движењето Ѓулен, а истрагата која е во тек треба да покаже зошто е направена истата и дали се планирала ликвидација или истите се користени за разузнавачки цели, пишува Дер Шпигел.

Минатиот петок во хотел во германскиот град Дизелдорф уапсен е 40-годишен турски граѓанин. Дер Шпигел објави дека при рацијата запленети се вистински оружја и муниција. Исто така, полицијата објави дека е запленета листа на членови на движењето Ѓулен. Според полициски извори, полицијата ги предупредила да бидат внимателни

Дер Шпигел објави дека пред операцијата биле блокирани сите патишта околу хотелот, а пред хотелот биле видени неколку блиндирани полициски возила. Околу 550 гости биле принудени да го напуштат хотелот. Во претресот на собата на приведеното лице пронајден е значителен број на оружје и муниција, како и листа на следбеници на движењето Ѓулен, како и нивните лични податоци.

Полицијата води истрага за причината поради која е создадена листата, односно дали се планира ликвидација на тие лица или истите се користени за разузнавачки цели. Исто така, се истражуваат и пораките од разговорите на приведениот, освен тоа започната е финансиска истрага.

Кој е Мухамед Фетулах Ѓулен

Мухамед Фетулах Ѓулен познат и како „Хоџа ефенди“ меѓу своите следбеници е турски свештеник, поранешен имам, писател и политичар. Роден е на 27 април 1941 година. Тој е основач на движењето Ѓулен, познато и под името Хизмет во Турција, кое има меѓу 3 и 6 милиони следбеници во светот и поседува конгломерат од банки, медиуми, градежни компании и училишта. Ѓулен живее во егзил во градот Сајлсбург во САД. Турската влада го смета за организатор на неуспешниот пуч од јули 2016 година.

Тајван изрази задоволство од долгоочекуваниот пакет помош од САД

Штајнмаер во Анкара ќе се сретне со Ердоган