Дер Шпигел објави дека пред операцијата биле блокирани сите патишта околу хотелот, а пред хотелот биле видени неколку блиндирани полициски возила. Околу 550 гости биле принудени да го напуштат хотелот. Во претресот на собата на приведеното лице пронајден е значителен број на оружје и муниција, како и листа на следбеници на движењето Ѓулен, како и нивните лични податоци.
Кој е Мухамед Фетулах Ѓулен
Мухамед Фетулах Ѓулен познат и како „Хоџа ефенди“ меѓу своите следбеници е турски свештеник, поранешен имам, писател и политичар. Роден е на 27 април 1941 година. Тој е основач на движењето Ѓулен, познато и под името Хизмет во Турција, кое има меѓу 3 и 6 милиони следбеници во светот и поседува конгломерат од банки, медиуми, градежни компании и училишта. Ѓулен живее во егзил во градот Сајлсбург во САД. Турската влада го смета за организатор на неуспешниот пуч од јули 2016 година.