Замбија ќе продолжи да биде без струја до шест часа секој ден, бидејќи нејзиниот главен извор на енергија, хидроцентралата на југот на земјата, работи бавно поради драстичниот недостаток на вода, соопшти владата.
Сушата во последните години во јужниот дел на Африка веќе доведе до големо намалување на резервите на вода на браните.
„Ограничувањата на електричната енергија ќе траат до шест часа на ден од 15 декември 2022 година и додека не се зголеми нивото на водата“, изјави министерот за енергетика Петер Капала.
Замбија добива повеќе од 80 отсто од електричната енергија од хидроенергија.
