Прашањето за решавање на косовскиот проблем е постојано пролонгирано, додека прашањето за одговорноста на НАТО за нанесената штета на системот за меѓународни односи и граѓаните на поранешна Југославија останува отворено до денес, изјави портпаролот на руското министерство за надворешни работи, Марија Захарова.
По повод годишнината од почетокот на бомбардирањето на НАТО на 24 март 1999 година, таа истакна дека воената операција на НАТО против суверена Југославија, пред повеќе од 20 години, стана трагедија, чии долгорочни и разни последици сè уште се се чувствува денес, пренесуваат руските агенции.
„Една од главните лекции, што беше потврдена со трајно запрениот процес на решавање на косовскиот проблем, е дека беззаконието и самоволието не можат да решат ниту една задача, туку само можат да ја влошат ситуацијата“, потенцираше Захарова.
Таа истакна дека прашањето за одговорноста на северноатлантските сојузници за штетата што им ја нанесоа во меѓународните односи и на одредена земја, останува отворено.
makfax.com.mk
