Најмалку 16 лица починаа во Швајцарија откако беа вакцинирани против коронавирус, соопшти надлежниот орган за надзор на пазарот на лекови Swissmedic.
Регулаторот прегледа 364 извештаи за сомневање за несакани реакции по вакцинирањето: 199 во врска со вакцината Фајзер и 154 со вакцината Модерна.
Меѓу нив, идентификувани се 95 сериозни реакции, вклучувајќи четири случаи на анафилактичен шок и 16 смртни случаи.
“Во 16 сериозни случаи, луѓето починаа во различни интервали по вакцинирањето. Нивната просечна возраст беше 86 години, а повеќето од нив веќе имаа сериозни болести”, се вели во соопштението.
Swissmedic во соопштението додава дека сè уште не е утврдено дека причината за смртта е вакцинирање.
Вакцинацијата во Швајцарија започна на крајот на минатата година со вакцини од компаниите Фајзер и Модерна. Досега се вакцинирани околу половина милион граѓани во таа земја.
