logo
logo
logo

Водачите на ЕУ не успеаја да се договорат за ковид-пасошите, преговорите ќе продолжат

Vecer | 19.05.2021

Водачите на ЕУ не успеаја да се договорат за ковид-пасошите, преговорите ќе продолжат


Водачите на ЕУ не успеаја да ги завршат преговорите за воведување на дигитални зелени сертификати во вторникот, со што би го започнале спроведувањето на планот за спасување на претстојната туристичка сезона, но преговорите ќе продолжат в четврток.

„Претставници од Европскиот парламент, Европската комисија и владите на земјите членки ќе продолжат со преговорите в четврток“, објави португалското претседателство со ЕУ.

Дигиталниот сертификат може да отвори повеќе земји на ЕУ за патување во рамките на Унијата на крајот на јуни, дури и за време на пандемијата на коронавирус, како и загриженоста за новите видови на вирус, наведува „Јутарњи лист“.

Таканаречениот дигитален зелен сертификат ќе биде доказ дека лицето е вакцинирано против Ковид-19, дека има негативен резултат од тест или ја прележало болеста.

Ова беше воведено за да се избегне дискриминација на лица кои не можат да се вакцинираат.

Целта на потврдата е што побрзо укинување на мерките што се во сила во моментот кога станува збор за патување меѓу земјите.

Сепак, на секоја од 27-те земји членки е да одлучат кои придобивки ги носи сертификатот во рамките на нивните граници.

Германската европратеничка Корнелија Ернст рече дека пратениците не се согласиле за клучни прашања.

„Дискусиите продолжија да се вртат околу клучните точки, како што е барањето на Европскиот парламент за пристап до бесплатни тестови за сите“, рече Ернст по преговорите.

Европратениците исто така одбија да им овозможат на одделни земји на ЕУ можност да воведат свои ограничувања за влез од други земји на ЕУ, дури и ако имаат дигитален зелен сертификат.

Извршната власт на ЕУ го претстави својот предлог за дигитален зелен сертификат уште во февруари.

Грција веќе ги олесни условите за влез за странците кои биле вакцинирани, а Шпанија дозволува влез на туристи од ЕУ под услов да имаат негативен тест.

Според Европскиот центар за превенција и контрола на болести, една шестина од возрасната популација на Европската Унија сега е вакцинирана со двете дози.

Целта на Комисијата е тоа да се зголеми на 70 проценти до септември.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk