Од денеска во Словенија ќе може да се влезе со негативен брз тест против коронавирус, а владата најави и натамошно олеснување на мерките за следната недела.
Влегувањето во Словенија без карантин од крајот на минатата година беше можно само со негативен ПЦР тест, освен во исклучителни случаи, како што се медицински, едукативни или грижа за семејството и недвижностите, пренесуваат регионалните медиуми.
Како што пропиша Владата, влегувањето во Словенија од сега ќе биде можно со негативен брз тест, со услов да не се поминати повеќе од 48 часа од земањето на примерокот до пристигнувањето на границата.
Хотелите ќе можат да пополнат три четвртини од капацитетите за сместување но само доколку гостите се вакцинирани, ако преживеале Ковид-19 или имаат негативен тест на коронавирус, а истите правила важат и за базените кои исто така се отвораат.
makfax.com.mk
