logo
logo
logo

Во Црна Гора откриени седум случаи на британскиот вид на коронавирус

Vecer | 16.02.2021

Во Црна Гора откриени седум случаи на британскиот вид на коронавирус


Британскиот вид на коронавирус е присутен во Црна Гора, каде досега откриени се седум случаи, објави Институтот за јавно здравје (ИЈЗ).

Институтот добил потврда од лабораторијата Шарита во Берлин дека британскиот вид на коронавирус е пронајден во седум испратени примероци.

„Присуството на британскиот сој е утврдено со методот на секвенционирање на вирусниот геном“, се вели во соопштението на ИЈЗ.

Се додава дека, во согласност со моментната епидемиолошка состојба во Црна Гора, а имајќи ја предвид официјалната потврда за присуство на британскиот вид, кој има поголема преносливост, работната група на Институтот за јавно здравје ќе предложи построги здравствени мерки.

Тие апелираат до граѓаните да се придржуваат до веќе пропишаните мерки, пренесува „Вијести“.

„Значи, потребно е правилно да се носат маските, да се одржува физичко растојание, да се избегнуваат секаков вид јавни собири и да се грижиме за хигиената на рацете. Сите овие мерки се ефикасни и можат да нè заштитат од новите соеви на вирусот“, се вели во соопштението на ИЈЗ.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk