logo
logo
logo

(Видео) Трагедија во САД: Во семејна куќа убиени пет лица, меѓу кои лекар и неговите внуци

Vecer | 08.04.2021

(Видео) Трагедија во САД: Во семејна куќа убиени пет лица, меѓу кои лекар и неговите внуци


Најмалку пет лица се убиени во семејна куќа во американската држава Јужна Каролина. Меѓу убиените има и две деца, пренесува „Си-ен-ен“.

Жртвите на масакрот кај Рок Хил се лекар, неговата сопруга и нивните двајца внуци, соопшти локалната полиција.

Тоа е семејство кое е добро познато во округот Јорк, изјави портпаролот на канцеларијата на шерифот, Трент Фарис.

„Д-р Роберт Лесли и неговата сопруга Барбара Лесли беа пронајдени во нивниот дом и починаа како резултат на истрели од огнено оружје, исто како и нивните двајца внуци. Исто така е пронајдено и телото на Џејмс Луис, кој работел од дома“, објавија од канцеларијата на шерифот во округот Јорк.

Убиените деца биле на возраст од 5 и 9 години. Едно лице е пренесено во болница со тешки повреди здобиени од истрели, потврди полицијата, опишувајќи го инцидентот како масовно пукање.

„Најдовме лице за кое веруваме дека е одговорно за овој напад. Тоа е сè што можам да кажам за осомничениот досега”, рече Фарис.

[embed]https://www.youtube.com/watch?v=CB-Lju5F6rI[/embed]

На новинарско прашање дали осомничениот е сосед на убиеното семејство Фарис, тој рече: „Живее на истата улица“.

Од канцеларијата на шерифот потврдија дека осомничениот за нападот бил фатен во соседна куќа.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk