Повеќе од 200 лица се повредени при судир на два воза, во малезискиот главен град Куала Лумпур.

Несреќата се случила кога еден од возовите, кој бил празен, удрил во друг воз со 213 патници во него.

Според началникот на локалната полиција, 47 лица се тешко повредени, додека 166 се здобиле со полесни повреди, пренесува „Ројтерс.

„Сè уште го истражуваме инцидентот, но се сомневаме дека можеби имало погрешна комуникација од контролниот центар на железницата“, рече директорот на локалната полиција Мохамед Заинал.

Видеата и фотографии кои се појавија на социјалните мрежи покажуваат локви крв и скршено стакло во вагоните.


makfax.com.mk