logo
logo
logo

(Видео) Швајцарската полиција со гумени куршуми и солзавец кон демонстрантите против корона-мерките

Vecer | 03.04.2021

(Видео) Швајцарската полиција со гумени куршуми и солзавец кон демонстрантите против корона-мерките


Швајцарската полиција доцна синоќа употреби гумени куршуми и солзавец за да растера стотици демонстранти против рестриктивните мерки за контрола на коронавирусот во североисточниот град Сент Гален.

Полицијата најпрво изјави дека нејзините членови биле мета на најразлични предмети фрлани од демонстрантите и дека биле принудени да користат гумени куршуми во самоодбрана. Подоцна вечерта беше објавено дека кон полицијата биле фрлени молотови коктели и други запалени предмети, што било причина органите на редот да употребат и солзавец.

[embed]https://www.youtube.com/watch?v=jVhrYyZS_3A[/embed]

Полициските службеници ги повикале демонстрантите да не напаѓаат и да не го оштетуваат имотот, а набљудувачите да си заминат.

Според весникот „Тагблат“, околу 1.000 луѓе излегле на улиците на Сент Гален, град со околу 75.000 жители.

Зголемениот број на инфекции со коронавирус ја принудија швајцарската влада да се откаже од мерките за олеснување.

[embed]https://www.youtube.com/watch?v=YV6BfK1J_jg[/embed]

Земјата со околу 8,6 милиони жители, од почетокот на пандемијата регистрира повеќе од 600.000 случаи на инфекција, а повеќе од 9.600 лица починале.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk