logo
logo
logo

(Видео) Нереди на улиците во Атина: Молотови коктели кон полицајците, еден е тешко повреден

Vecer | 09.03.2021

(Видео) Нереди на улиците во Атина: Молотови коктели кон полицајците, еден е тешко повреден

Грчки полицаец бил сериозно повреден вечерва за време на судир со демонстранти во Атина, кои излегле на улиците во знак на протест против полициското насилство.

Конфликтот се случил во атинската населба Неа Смирна, а полицаецот бил погоден во вратот со факел или камен, поради што неговите колеги формирале круг околу него за да го заштитат додека не пристигне брзата помош и го однеле во болница, објави весникот „Катимерини“.

Според државната телевизија ЕРТ, напаѓачите со качулки фрлале молотови коктели кон полицијата, која одговорила со солзавец.

Во близина на местото на судирот, полицијата пронашла ранец полн со молотови коктели и факели.

Неколку паркирани автомобили се оштетени, а на снимките на социјалните мрежи може да се видат и повеќе запалени контејнери.

[embed]https://www.youtube.com/watch?v=1v1Le18WaEw[/embed]

Претходно, околу 5.000 луѓе се собраа на главниот плоштад во областа Неа Смирна, каде и изминатиов викенд имаше пресметка со полицијата.

Жителите на Атина излегоа на уливите во знак на протест против инцидент што се случил во неделата, а за кој се појави и снимка на социјалните мрежи на која се гледа како полицаец со палка безмилосно тепа момче.

Полицијата соопшти дека испратиле патрола со мотоцикли на плоштадот Неа Смирна за да проверат дали се почитуваат мерките за контрола на коронавирусот, додавајќи дека добиле голем број извештаи за непочитување на тоа место.

Државното обвинителство наредило истрага за да се испита дали има основа за поднесување на кривична пријави против полицајците за употреба на прекумерна сила, а и полицијата соопшти дека започнала внатрешна истрага.

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk