logo
logo
logo

(Видео) Израел во Газа уништи зграда во која се канцелариите на „Ал-Џезира“ и светски агенции

Vecer | 15.05.2021

(Видео) Израел во Газа уништи зграда во која се канцелариите на „Ал-Џезира“ и светски агенции


Израел во воздушен напад уништи зграда во која се сместени канцелариите на катарската телевизија „Ал-Џезира“, како и на светските новински агенции „Асошиејтед Прес“ и „Франс Прес“.

Нападот бил најавен и на медиумските работници им бил даден еден час да ја евакуираат зградата.

Израелски борбени авиони повторно ја нападнаа Газа рано утрово, а Хамас возврати со лансирање ракети кон Израел, додека американските и арапските дипломати се обидуваат да најдат начини да го запрат насилството.

Најмалку 136 лица се убиени во израелскитe напади од понеделникот, меѓу кои и 34 деца и 21 жена, а 950 се повредени, соопштија палестинските медицински служби.

Меѓу осумте загинати, колку што досега потврдија во Израел, освен војниците кои загинаа на границата со Газа, има и шест цивили, меѓу кои и две деца, објавија израелските власти.

Тел Авив потврди дека од понеделник до денес од Газа биле лансирани околу 2.300 ракети и дека околу 1.000 биле пресретнати од против-воздушната одбрана, а 380 паднале на палестинската територија. Израелската војска во возвратни напади, врши гранатирање на појасот Газа.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk