Еден од најактивните вулкани во светот, Нирагонго во Демократска Република Конго, избувна синоќа, предизвикувајќи владата да ги активира плановите за евакуација на градот Гома, а лавата од вулканот стигнува до аеродромот во тој град, властите и рече вулканолозите.
Ерупцијата на вулканот го зацрвене небото над градот Гома на истокот на Конго, чии жители се сеќаваат на последната ерупција на Нирагонга во 2002 година, во која загинаа 250 лица, а 120.000 останаа без покрив над главата.
BREAKING: Lava reaches the city of Goma after Mount Nyiragongo in DR Congo erupts pic.twitter.com/wmrtPhsXSm#Goma #NyiragongoErupts #Nyiragongovolcano
— weAfrika (@sai_zw) May 22, 2021
Во поголемиот дел од градот нема струја, а и телефонски линии се во прекин. Се евакуираат илјадници луѓе од Гома. Некои бегаат на исток, кон границата со соседна Руанда, додека други бегаат на запад.
Премиерот на Конго Жан-Мишел Сама Луконде свика итен состанок на владата во главниот град Киншаса за да разговара за вонредни мерки и евакуација од Гома, објави владиниот портпарол Патрик Мујаја на Твитер.
Дарио Тедеско, вулканолог со седиште во Гома, рече дека се отвораат нови раседи во Нирагонг, дозволувајќи ѝ на лавата да тече кон југ, кон Гома, откако првично течела на исток, кон Руанда.
"Се чувствува мирис на сулфур. Во далечината може да се види како огромен пламен излегува од планината", изјавила жителка за Франс Прес.
🚨🚨Activité volcanique aux alentours de Goma: la MONUSCO fait des vols de reconnaissance.
La lave ne semble pas se diriger vers la ville de Goma. Nous restons en alerte. pic.twitter.com/JQmz7v16Ne
— MONUSCO (@MONUSCO) May 22, 2021
Најсмртоносната вулканска ерупција се случила во 1977 година, кога загинаа повеќе од 600 луѓе.
