logo
logo
logo

(Видео) 10 години од земјотресот, цунамито и несреќата во нуклеарната централа во Фукушима

Vecer | 11.03.2021

(Видео) 10 години од земјотресот, цунамито и несреќата во нуклеарната централа во Фукушима


Јапонија ја одбележува 10-годишнината од земјотресот и цунамито во кои загинаа 18.500 луѓе, предизвикаа нуклеарна катастрофа и го уништија североисточниот брег на земјата.

[embed]https://www.youtube.com/watch?v=foxww-tMoNg[/embed]

По повод 10-годишнината, во 14:46 часот по локално време, кога земјотрес со јачина од 9 степени ја погоди земјата на 11 март 2011 година, се одржа едноминутно молчење.

Царот Нарухито и премиерот Јошихиде Суга се придружија во едноминутното молчење, а граѓаните запалија свеќи и положија цвеќе.

Во земјотресот и цунамито загинаа 18.430 луѓе, но беа пронајдени телата на 15.897 жртви. Повеќе од 160.000 луѓе беа принудени да ги напуштат своите домови.

Системите за ладење беа уништени во нуклеарната централа Фукушима на североисточниот брег на Јапонија, а протече и радиоактивен материјал. Се верува дека уште 3.700 луѓе починале поради тешките услови за евакуација и услови за живот кои се резултат на природната катастрофа и нуклеарната несреќа.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk