logo
logo
logo

Велика Британија преговара за модифицирани дози вакцина на „Астразенека“ против бета-видот

Vecer | 02.06.2021

Велика Британија преговара за модифицирани дози вакцина на „Астразенека“ против бета-видот


Владата на Велика Британија разговара со Универзитетот „Оксфорд“ и „Астразенека“ околу дополнителни дози вакцина против Ковид-19 кои се модифицирани за подобро да се борат против бета-видот, откриен во Јужна Африка.

Велика Британија досега обезбеди 100 милиони дози вакцини на „Астразенека“, а Министерството за здравство наведува дека дополнителните дози се наменети за бета-видот, објави денеска „Ројтерс“.

Јужна Африка во февруари ја стави во мирување вакцината на „Астразенека“, откако податоците покажаа дека обезбедува минимална заштита против лесен и умерен облик на зараза од Ковид-19.

„Оксфорд“ смета дека видот е приоритетен во борбата против короната, додека „Астразенека“ најави развој на нови вакцини против разни видови до есен.

Министерот за здравство Мет Хенкок следната недела ќе биде домаќин на колегите од групата Г7 во Оксфорд и ќе ја нагласи улогата на Велика Британија во проектот „Оксфорд-Астразенека“.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk