Британската министерка за внатрешни работи, Прити Пател, ја презентира реформата на системот за азил, која предвидува луѓето кои нелегално влегле во земјата да немаат исти права како и оние кои влегле легално, што Црвениот крст го оцени како „нехумано“.

„Ако, како и повеќе од 60 проценти од илегалните имигранти, тие преминале безбедна земја како Франција за да дојдат овде, нема да можат веднаш да влезат во системот за азил, како што е во моментов“, рече британската министерка.

Мигрантите кои нелегално влегле во Велика Британија и чие барање за азил е прифатено, ќе добијат нов статус на привремена заштита, наместо автоматско право на престој. Тие исто така ќе имаат ограничени права на обединување на семејството и пристап до социјални бенефиции.

Оние на кои ќе им биде одбиен азил многу бргу ќе бидат протерани од Велика Британија.

Во исто време, ќе се создадат „легални и безбедни“ начини за барање азил во Велика Британија, изјави министерката за „Скај њуз“.

Минатата година 8.500 лица влегоа во Велика Британија преку Ламанш, а повеќето од нив еднаш поднеле барање за азил, соопшти Министерството за внатрешни работи.

Генералниот директор на британскиот Црвен крст, Мајк Адамсон (Мајк), го критикуваше предлогот, наведувајќи дека се создава неправеден систем во кој се проценува начинот на кој некој влегол во земјата, а не врз основа на потребата од заштита. Тоа не е хумано“, истакна тој.

Според намерите на владата, казните за мигрантите кои илегално ќе се обидат да влезат во земјата ќе бидат поостри, а на шверцерите им се заканува доживотен затвор.

Прити Пател рече дека се разгледуваат сите опции, вклучително и враќање во трети земји.

 

makfax.com.mk