logo
logo
logo

Вакцината на „Модерна“ ефикасна кај адолесценти од 12 до 17 години

Vecer | 25.05.2021

Вакцината на „Модерна“ ефикасна кај адолесценти од 12 до 17 години


Вакцината против Ковид-19 на „Модерна“ се покажа ефикасна кај адолесцентите на возраст од 12 до 17 години и не покажа нови или поголеми безбедносни проблеми во клиничкото испитување, објави денес компанијата.

„Модерна инк“, чија вакцина беше одобрена за возрасни на возраст од 18 години и повеќе, соопшти дека наодите од студијата на адолесцентите ќе ги достави до Управата за храна и лекови на САД и до другите регулатори за итно одобрување за употреба на почетокот на јуни, објави „Ројтерс“.

На американските регулатори им требаше околу еден месец да анализираат слична студија на Фајзер-Бионтек, која беше одобрена на 10 мај за возраст од 12 до 15 години.

Доколку „Модерна“ го има истиот третман, нејзината вакцина може да биде одобрена на почетокот на јули.

Повеќето од децата заразени со Ковид-19 имаат лесни симптоми или воопшто немаат симптоми.

Сепак, децата исто така се изложени на ризик да се разболат сериозно или да го пренесат вирусот.

Вакцинирањето деца на возраст меѓу 12 и 18 години може да им овозможи на американските училишта и на летните кампови да ги релаксираат мерките поврзани со носење маски и социјално дистанцирање.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk