Две недели по втората доза на вакцина против коронавирус, ризикот од хоспитализација над 65-годишна возраст е 94 проценти помал во споредба со нивните невакцинирани врсници.

Имунизацијата со вакцините Модерна или Фајзер значително го намалува ризикот од хоспитализација на стари лица, според податоците на Американскиот центар за контрола и превенција на болести (ЦДЦ).

Веќе две недели по првата доза, ризикот беше 64 проценти помал, според податоците од 24 болници во 14 американски држави.

Како што се очекуваше, вакцината не обезбеди заштита во првите недели од првата доза.

Истражување во Англија

Во Лондон беше објавено дека дури и по првата доза на вакцини Фајзер и АстраЗенека, ризикот од пренесување на инфекцијата во исто домаќинство значително опаднал.

Според анализата на англиската здравствена агенција (PHE), тој ризик е помал од 38 до 49 проценти.

Во исто време, вакцината Фајзер работи нешто подобро од АстраЗенека.

Студијата, спроведена според податоци од 24.000 англиски домаќинства, е уште еден доказ дека вакцинацијата, покрај тоа што штити од потешки форми на ковид, ја намалува и можноста за пренесување на вирусот на други лица, велат тие