На драматичната снимка се гледаат маскирани насилници како вчера во 11:36 часот со секири и чекани го кршат излогот на продавницата, а потоа мирно влегуваат во црн „мерцедес“ 4X4 со торби полни со накит и злато. Теренецот тргнува, но застанува по само неколку метри додека четвртиот член од бандата ита кон возилото. На видеото се гледа и дека еден од случајните минувачи го снима возилото со разбојниците.
Според тамошните медиуми, крадците по грабежот се обиделе да ја сокријат трагата оставајќи го мерцедесот и влегле во порше. Но, полицијата цело време ги следела од хеликоптер. Набрзо се судриле и побегнале пеш.
- Црниот Мерцедес 4х4 е пронајден напуштен, додека сребреното Порше 911 исто така е пронајдено напуштено откако учествувало во судир на патот Вајтхол во Лидс. Се претпоставува дека двете возила се украдени. Двајца мажи се уапсени и моментално се во притвор, соопшти полицијата во Западен Јоркшир.
Очевидец откри детали од полициската потера.
- Разбојниците се поделија во две групи и менуваа автомобили, но хеликоптерот веќе беше кренат. Сребреното „порше“ се судри пред мојата фирма, возачот побегна, но набрзо беше уапсен - изјавил сведокот.
