Освен тоа, десетици луѓе се водат како исчезнати од средата, откако бродот со кој пловеле исчезна јужно од грчкиот остров Родос, соопшти денеска подружницата на агенцијата која работи во Атина. Бродот долг 15 метри, во кој се наоѓале мигрантите, бил оштетен од морето, поради што потонал.
Досега се спасени 34 лица. Грчката крајбрежна стража спасила 29 од нив, а уште пет од турската крајбрежна стража, објави УНХЦР со седиште во Атина.
Со оглед на тоа што спасените дале спротивставени информации за вкупниот број на луѓе во бродот, се стравува дека голем дел од нив се удавиле.
Преживеаните рекле дека бродот превезувал меѓу 60 и 80 луѓе и дека испловил од мало пристаниште во близина на турскиот пристанишен град Анталија.
