Украина воведе санкции за руската нуклеарна индустрија во следните 50 години, се вели во декретот што во неделата го потпиша претседателот на Украина, Володимир Зеленски.
Овие мерки се насочени кон 200 руски компании и организации, а една од нив е руската државна агенција Росатом, за која „Киев Индепендент“ пишува дека незаконски управува со окупираната нуклеарна централа Запорожје во Енергодар.
Киевскиот весник додава дека Русија ја искористила фабриката „за нуклеарна уцена“.
„Таа терористичка држава ја користи нуклеарната индустрија за притисок врз други држави и на тој начин се шири однадвор. Тоа се доволни причини да се воведат глобални санкции врз руската нуклеарна индустрија“, рече Зеленски во неделното обраќање.
