logo
logo
logo

Украина и Русија повторно меѓусебно се обвинуваат за нападите на нуклеарката Запорожје

Vecer | 13.08.2022

Украина и Русија повторно меѓусебно се обвинуваат за нападите на нуклеарката Запорожје

„Ограничете го вашето присуство на улиците на Енергодар! Добивме информации за нови провокации од страна на окупаторите“, објави на Телеграм украинската агенција за нуклеарна енергија Енергоатом, пренесувајќи ја пораката од локалниот лидер на градот во кој се наоѓа нуклеарната централа, кој е лојален на Киев.

„Според сведоштвата на жителите, бомбардирањето во правец на нуклеарната централа Запорожје повторно е во тек... Интервалот помеѓу истрелувањето на граната и ударот е три до пет секунди“, се додава во пораката.

Окупаторските власти инсталирани од Русија во зоните што ги окупира во областа ги обвинија украинските сили дека се одговорни за нападите.

„Енергодар и нуклеарната централа Запорожје повторно се под оган од милитантите на Зеленски“, објави на Телеграм Владимир Рогов, член на проруската воена и цивилна администрација.

Проектилите паднале „во областите лоцирани на бреговите на Дњепар и во електраната“, рече тој, без да даде информации за жртви или материјална штета.

Дњепар ги дели зоните под руска контрола од зоните под контрола на Украина.

Поради нападот на Запорожје, во четвртокот се состана Советот за безбедност на ОН.

Во првите напади на 5 август беше погоден трансформаторот на високонапонскиот далновод, што предизвика автоматско запирање на третиот реактор и стартување на резервните генератори.

Во нападите во четвртокот беа оштетени пумпната станица и уредите за мерење на нивото на радијација.

Украинските власти бараат демилитаризација на зоната и повлекување на руските војници. Украинскиот претседател Володимир Зеленски ја критикуваше Русија за „нуклеарна уцена“.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk