Италијанската полиција издаде меѓународна потерница за пет члена во семејството на девојката Саман Абас, по потекло од Пакистан, која исчезна на 30 април, пишува Анса.

Исчезнувањето на девојката го пријавил најверојатно нејзиниот дечко, Италијанец, а се претпоставува дека таа е убиена затоа што не се согласила на договорен брак со братучед во Пакистан.

Според сведочењето на помладиот брат и прегледот на телефонските пораки, девојката била убиено, најверојатно со давење, од нејзиниот чичко Даниш Хаснаин, а на него му помогнале двајца роднини, со согласност од родителите во провинцијата Реџо Емилија.

Откако дечкото го пријавил нејзиното исчезнување, родителите и еден роднина одеднаш отпатувале за Пакистан, еден роднина е уапсен во Франција, а по чичкото, претпоставениот физички сторител на убиството, полицијата трага низ цела ЕУ.

Овој случај со денови е во центарот на вниманието на италијанската јавност.

Не само поради суровото убиство на невина девојка која сакала да живее поинаку од она што го замислувало нејзиното семејство, туку и поради дебатата иницирана од трагичниот настан.

Во медиумите, но и меѓу парламентарните партии се дискутира колку странците во Италија се прилагодуваат на животот во демократско општество и дали државата прави се што е можно и потребно за да им помогне во тоа.