Дваесет и две годишен словенечки државјанин е уапсен откако бил фатен во комбе со кое превезувал 33 пакистански мигранти, соопшти денеска полициската управа на Љубљана.

Полицијата запре комбе на автопатот А1 во близина на Врника, југозападно од Љубљана, додека возеше во правец на Копер.

При претрес на возилото биле откриени 33 пакистански државјани, а мигрантите илегално ја минале границата.

Возачот, кој доаѓал од подрачјето на Крањ, бил уапсен, додека постапките со мигрантите се уште траат, објави полицијата.

 

makfax.com.mk