Во куќа во САД се пронајдени тела на четири бебиња, јавуваат американските медиуми. Едно од телата е пронајдено во замрзнувачот, соопшти локалната полиција.
На 17 ноември, полицијата одговорила на пријавата за интервенција во Јужен Бостон, а моментално не е јасно кој повикал полиција. Полицијата на местото на настанот пронашла „нешто што наликува на човечки фетус или доенче“. Следниот ден, 18 ноември, детективите пронашле уште човечки останки, за кои е утврдено дека се две момчиња и две девојчиња (заедно со останките од претходниот ден). Едно од нив било во замрзнувач.
На телата е извршена обдукција, а се чекаат резултатите од обдукцијата, соопшти полицијата. Полицијата не идентификувала потенцијални осомничени. Детективите за убиства продолжуваат да го истражуваат инцидентот, заедно со канцеларијата на окружниот обвинител на округот Сафолк, соопшти полицијата.