Четириесетгодишниот италијански свештеник Франческо Спанези е уапсен откако било откриено дека ги проневерил донациите на парохијаните. Тој, имено, донациите за црквата ги користел за купување дрога и сексуални забави, пренесуваат италијанските медиуми.
Локалните власти потврдиле дека присвоил повеќе од 115 000 евра, кои раскалашено ги трошел на опијати и баханалии.
Инаку, служел во парохијата Кастелина де Прате, недалеку од Фиренца.
Според зборовите на судсиот портпарол, парохот е откриен за време на забава со повеќе од 200 гости, вклучително и лекари, медицински сести, управници на банки и деловни луѓе.
Откако веста станала вирална, бискупот на гратчето Прато, Џовани Нербини признал дека чувствува „болка и вознемиреност“ и објаснил дека му наредил на Спанези да појде на психолог. Спанези во моментов е во домашен притвор.
