Прага - Во судир на брз воз и локомотива на железничка станица во североисточниот дел на Чешка загина едно лице, а пет се повредени.
Несреќата се случила рано изутринава во градот Бохумин, набрзо откако возот тргнал за Прага, соопштија од чешките железници, пренесува АП.
Загинал машиновозачот на брзиот воз, а повредени се четворица железничари во локомотивата и едно лице во возот. Не е познато дали локомотивата се движела во моментот на судирот.
Спасувачите велат дека патниците не се повредени.
