Бурата Игњат денес погоди делови од Германија. Железничкиот сообраќај е во колапс, а повеќе од 50 000 домови се без струја и најмалку две лица се тешко повредени.
Ветрот кој дувал во Дрезден, Франкфурт и Вурзбург достигнал јачина од дури 166 км на час.
Пожарникарската служба во Берлин прогласила вонредна состојба и најавила дека ќе излегува на терен само во стуации кога се загрозени човечки животи. Расчистувањето на улиците и ослободувањето на возилата врз кои паднале дрвја е оставено за подоцна.
Сите јавни паркови во Берлин, како што беше и најавео вчера, денес се затворени заради бурата, а Управата предупредила на можно масовно паѓање на стеблата чии корења ослабнале заради повеќегодишните суши.
