Доцна синоќа во југоисточна Полска се случила тешка сообраќајна несреќа во која шест лица го загубиле животот, а 34 се повредени. До несреќата дошло кога украински автобус кој превезувал патници од Познањ кон Украина слетал во канал.
Автобусот со украински регистарски таблички, со 57 патници и двајца возачи, околу полноќ, удрил во банкината на патот во близина на градот Пржемил, во југоисточна Полска, паднал во канал и се превртел.
Пет лица загинале на лице место, а шестото починало во текот на ноќта во болницата во Пржемил.
-Вкупно 34 лица се наоѓаат во болница, додека 18 на кои не им требаше болничко сместување се евакуирани во блиското училиште. Истрагата е завршена, но истрагата за причината на несреќата ќе потрае уште неколку часа, изјавија од локалната противпожарна единица за полското радио.
