Големата војна и не е така блиску

Според сопствениот таен извештај НАТО не може да се одбрани од Русија

НАТО нема да биде во состојба да одговори на евентуален напад од Русија, се вели во таен извештај на Алијансата во кој имало увид германското списание „Шпигел".
Документот насловен како „Извештај за напредок во зајакнувањето на капацитетот за одвраќање и одбрана на Алијансата" наведува значајни недостатоци во структурата на НАТО.
Командната структура на НАТО, која „атрофирала" од падот на Берлинскиот ѕид во 1989 година, е еден од клучните фактори што ги поткопуваат одбранбените капацитети на Алијансата, се вели во извештајот.
Дури и проширувањето на силите на НАТО за брза реакција, стои во извештајот, не успеало да овозможи тие да дејствуваат брзо и, доколку е потребно, одржливо.
Портпаролката на НАТО, Оана Лунеску, одбила да даде коментар за „Шпигел" за ваквите информации, туку само изјавила дека силите на Алијансата сега се повеќе подготвени и поспособни од кога и да било во последните децении.

Поврзани

Најнови вести

Коментари